Francesca Di Rosa

Si a ‘ntrabbunuta,

ca quannu guidu mi cunfunni:

luci longhi o luci cutti?

Comu è gh’è,

tu mi futti.

Si a capunata.

Quantu mi piaci!

Fritta o nfurnata,

sempri ma calassi.

Accussí o accuddí,

tu mi scassi.

Si bedda e pericolosa

comu na curva, comu na rosa.

Rimmilla cocca cosa,

u cori miu non avi posa.

E aspetta a tia, disgraziata,

ca mi runi na taliata.

Picchí l’amuri ni piaci

sulu quannu l’autru taci?

Sai, mi vinninu a cuntari

ri chiddu ca ti fici ‘nammurari.

Pazza, scustumata, ntriganti:

ti basta n’suspiru pi grapiri i iammi.

Cu è stu beddu ca non sapi

la furtuna ca c’havi?

Chi fici iddu pi 

nun lassariti iri?

Nun ti canta li canzuni.

Nun ti scrivi mai li rimi.

Chistu si ni va, poi arreri torna,

ma a ti ti piaci e iu appuzzu i corna.